նախընտրելի դարձնել«Հայաստան» խմբակցությունը մի քանի ամիս առաջ միացել է «Պատիվ ունեմ» խմբակցության նախաձեռնած իմպիչմենտի գործընթացին, ինչի մասին էլ հայտարարվել էր։ Այս մասին լրագրողների հետ զրույցում հայտարարել է պատգամավոր Իշխան Սաղաթելյանը, ով ավելի վաղ լսումների ժամանակ փոխանցել էր պատգամավորների ստորագրությունները։
Մեկնաբանելով սխալ փաստաթղթի վրա ներկայացված ստորագրությունների հարցը, որը խոչընդոտում էր գործընթացը, Սաղաթելյանը նշեց, որ խմբակցությունը միշտ պատրաստ է եղել ստորագրել անհրաժեշտության դեպքում, ուստի այդ առումով խնդիրը լուծված է: Պատասխանելով այն հարցին, թե ինչու է ներկայացվել Դավիթ Համբարձումյանի թեկնածությունը և արդյոք Հայաստանն ունի՞ վարչապետի իր թեկնածուները, պատգամավորը հիշեցրել է, որ «Պատիվ ունեմ» խմբակցությունն է նախաձեռնել գործընթացը և հետևաբար, կներկայացնի թեկնածու, մինչդեռ անհրաժեշտության դեպքում «Հայաստան» խմբակցությունը մի քանի թեկնածու ունի:
«Բայց գործընթացը մենք չենք նախաձեռնել, քանի որ «ՔՊ»-ից պատգամավորների միանալու մասին պայմանավորվածություն չկա, իսկ «Պատիվ ունեմ»-ի գործընկերները վստահեցնում են, որ նման պայմանավորվածություն ունեն։ Այսպիսով, «Հայաստան»-ի պատգամավորները ստորագրել են և համաձայն են ողջամիտ ժամկետներում գործընթացի սկսվելուն»,- նշել է Սաղաթելյանը։
Միևնույն ժամանակ, նա հաստատել է դաշինքի դիրքորոշումն այն մասին, որ իշխանափոխության գործընթացը կարող է հաջողությամբ պսակվել, եթե հաջողվի հզոր համազգային շարժում գեներացնել։ «Գործընթացի տրամաբանությունը մենք տեսնում ենք դրանում։ Բայց մենք կաջակցենք գործընկերների սկսած գործընթացին»,- կրկնել է Սաղաթելյանը։
Ի պատասխան վաշինգտոնյան պայմանավորվածությունների մասին հարցին, ընդդիմադիր պատգամավորը նկատել է, որ «օգոստոսի 8-ը ոչ մի ձեռքբերում էլ չի եղել, այլ՝ ազգի համար կործանարար գործընթացի հերթական փուլ»։ Նրանք չեն կարողանա հերթական կապիտուլյացիան ժողովրդին պարտադրել որպես խաղաղություն և ձեռքբերում, և դրանով իսկ ստանալ ժողովրդի ձայները, վստահեցրել է Սաղաթելյանը։
Խոսելով երկրի երկրորդ նախագահի դիրքորոշման մասին՝ պատգամավորը նշել է, որ Ռոբերտ Քոչարյանը կարծում է, որ գործընթացի հաջողության համար պայմաններ չկան, բայց եթե կա քաղաքական ուժ, որը հաջողության հնարավորություն է տեսնում, «Հայաստան» դաշինքը կաջակցի նրան։ «Խաղաղություն չկա և նրա (Փաշինյանի գլխավորած իշխանությունների) ընդունած բոլոր հակազգային փաստաթղթերն անընդունելի են, պետք է քննարկել դրանցից ազատվելու հարցը»,- շարունակել է պատգամավորը նախորդ միտքը։
Ինչ վերաբերում է Փաշինյանի կողմից նախկին նախագահներին դիսկուսիայի համառ հրավերներին, Սաղաթելյանը կրկնել է ավելի վաղ արտահայտված միտքը՝ Փաշինյանը մինչև բանավեճը պետք է պոլիկլինիկայից տեղեկանք ներկայացնի իր հոգեկան առողջության և ադեկվատության մասին։ Միաժամանակ, պատգամավորը հավելել է, որ եթե Փաշինյանը չհրապարակի բանակցային սեղանին եղած Լեռնային Ղարաբաղի վերաբերյալ փաստաթուղթը, ապա իշխանափոխությունից հետո այն կհրապարակվի, որպեսզի ժողովուրդն իմանա, թե ինչ է տեղի ունեցել։
Սաղաթելյանը պարզաբանել է նաև խմբակցությունը լքող պատգամավոր Արեգնազ Մանուկյանի ստորագրության հարցը։ Պատգամավորը հիշեցրել է, որ ստորագրությունները դրվել են մի քանի ամիս առաջ, երբ Մանուկյանը դեռ չէր պատրաստվում լքել խորհրդարանը։ «Հավաստիացնում եմ, որ Պետրոս Մեղրյանը, ով կփոխարինի Մանուկյանին, կստորագրի փաստաթուղթը»,- հայտնել է Իշխան Սաղաթելյանը։
