նախընտրելի դարձնել«Արմենիա Մարիոթ» հյուրանոցը փետրվարի ընթացքում իր ռեստորաններում մատուցված յուրաքանչյուր ճաշից եւ ընթրիքից ստացված գումարից կնվիրաբերի 500 դրամ «ՍՕՍ մանկական գյուղեր» կազմակերպությանը՝ դուք ուտում եք, մենք տալիս ենք» ծրագրի շրջանակներում։
Այսօր` հունվարի 26-ին, լրագրողների հետ հանդիպմանը «ՍՕՍ մանկական գյուղեր» կազմակերպության ղեկավար Աշոտ Քոչարյանը կարեւորեց ծրագրի անհրաժեշտությունը, քանի որ երիտասարդները իրենց մասնագիտական կայացման ճանապարհին բազմաթիվ դժվարությունների են հանդիպում, ինչին, նրա խոսքով, նպաստում է նաեւ այն, որ մեր աշխատանքային շուկան վայրենի վիճակում է գտնվում:
Նա նշեց, որ «Մարիոթ Ինթերնեշնլի» Եվրոպայի «Դուք ուտում եք, մենք տալիս ենք» ծրագրի շրջանակներում նպատակ ունեն խթանել պայքարը գործազրկության դեմ, օգնել երիտասարդ տարիքի խոցելի խավին, տրամադրել կյանքի եւ մասնագիտական հմտություններ` իրենց պոտենցիալն ամբողջովին օգտագործելու համար:
«Մենք սիրով հրավիրում ենք մեր հյուրերին ընթրիքի` միաժամանակ տալով մեր աջակցությունը հասարակության երիտասարդ խավին»,-ասել է Արմենիա Մարիոթ հյուրանոցի գլխավոր տնօրեն Ամի Միրոնը:
2010թ-ին. Մարիոթի համաշխարհային ցանցը կատարել է ընդհանուր 34.6 միլիոն ԱՄՆ դոլարին համարժեք նվիրատվություն:
