Այսօր տեղի ունեցավ Երևանի ավագանու Քննող հանձնաժողովի հերթական նիստը: Երևանի ավագանու «Քաղաքացիական պայմանագիր» խմբակցության ղեկավար Ա8մեն Գալջյանը ֆեյսբուքյան իր էջում գրել է, որ նիստի ընթացքում արձանագրվել է.

  1. Եթե նախկինում հայտարարվել էր շուրջ 40 օտարված մանկապարտեզի մասին, ապա հանձնաժողովի ուսումնասիրության արդյունքում դրանց թիվը հասել է շուրջ 100-ի։
  2. Օտարված մանկապարտեզների բազմաթիվ բակային հատվածներում կառուցվել են պարսպապատ շքեղ առանձնատներ:
  3. Նոր-Նորք վարչական շրջանի մանկապարտեզների տարածքները կասկածելի ցածր արժեքներով վարձակալության են տրվել, ՀՀԿ, ՕԵԿ և ՀՅԴ կուսակցություններին մասնավորապես 2006-2007 թվականներին:
  4. Երևանի քաղաքապետարանի ենթակայության գործող մարզադպրոցին պատկանող թենիսի 2 կորտերը՝ հյուրանոցային մեծ համալիր շոգեբաղնիք և մեծ բակային տարածքը, որոնք գտնվել են Հրազդանի կիրճում, (այժմ «Օրանժ» ակումբ) օտարվել է 2004 թվականին ընդամենը 20-25.000 ԱՄՆ դոլարով:

Ուսումնասիրությունները շարունակվում են...