ՀՀ ԱԳՆ-ն ցավակցություն է հայտնել Եգիպտոսում քաթարցի դիվանագետների մահվան կապակցությամբ։

«Մենք միանում ենք Քաթարի բարեկամ կառավարությանը և ժողովրդին՝ ցավակցություն հայտնելու Եգիպտոսում տեղի ունեցած դժբախտ պատահարի հետևանքով քաթարցի դիվանագետների մահվան կապակցությամբ և շուտափույթ ապաքինում մաղթելու տուժածներին», - ասվում է գերատեսչության հաղորդագրության մեջ X սոցիալական ցանցում։

Ավելի վաղ ԶԼՄ-ները հայտնել էին Եգիպտոսում ճանապարհատրանսպորտային պատահարի հետևանքով Քաթարի երեք պաշտոնյաների մահվան մասին։