Իրանական հետախուզության հաջող գործողության արդյունքում բացահայտվել է իսրայելական «Մոսսադ» հետախուզական գործակալության հետ կապված անձանց գտնվելու վայրը, որոնք կարող էին նպաստել Իսրայելի կողմից Իրանի Իսլամական Հանրապետության դեմ տեղեկատվական պատերազմին, հայտնում է Mehr-ը։

Այս բացահայտումը, որը երեքշաբթի օրը ցուցադրվել է ազգային հեռուստաալիքներով, ցույց է տվել, թե ինչպես են իրանական հետախուզության գործակալները պարզել մի քանի անձանց ճշգրիտ գտնվելու վայրը, որոնք կա՛մ անմիջապես աշխատում էին հակաիրանական «Iran International» հեռուստաալիքում, կա՛մ հաճախ էին հայտնվում այնտեղ։ Հաղորդումներում ներկայացվել են այդ մարդկանց՝ Իսրայելում փաստացի բնակության վայրի լուսանկարները և մանրամասները։

«Իսրայելական ռեժիմի և նրա դաշնակիցների բոլոր վայրագությունների ընթացքում, ներառյալ Գազայում Թել Ավիվի ցեղասպանական պատերազմը, որը սկսվել է 2023 թվականի հոկտեմբերին, ինչպես նաև հունիսին Իսրայելի և ԱՄՆ-ի կողմից Իրանի դեմ սանձազերծված անհիմն և անօրինական պատերազմը, «Iran International»-ը մշտապես աջակցել է հակառակորդներին»,- գրում է իրանական ԶԼՄ-ն։