նախընտրելի դարձնելԵվրագոտու երկրներում գործազրկության մակարդակը 2011 թ-ին հասել է առավելագույնի: Ինչպես հաղորդում է Eurostat-ը, դեկտեմբերին այն կազմել է 10,4%: Դա նշանակում է, որ եվրագոտու 17 երկրներում գործազուրկ է եղել մոտ 16,5 մլն մարդ` 751 հազարով ավելի, քան նոյեմբերին:
Գործազրկության ամենաբարձր մակարդակը, ինչպես նախկինում, գրանցվել է Իսպանիայում (22,9%), ամենացածրը` Ավստրիայում (4,1%): Այսպիսով, նախորդ տարվա համեմատ, գործազրկության միջին մակարդակն աճել է 3%-ով:
Համաձայն վիճակագրության` ընդհանուր առմամբ ԵՄ երկրներում պաշտոնապես աշխատանք փնտրող է համարվել 23,8 մլն մարդ կամ աշխատունակ բնակչության 9,9%-ը:
Գործազրկության մակարդակը հատկապես բարձր է Հունաստանում, Իսպանիայում եւ Կիպրոսում, այն դեպքում, երբ Լատվիայում, Լիտվայում եւ Էստոնիայում արձանագրվում է գործազրկության մակարդակի կրճատում:
