նախընտրելի դարձնել
Հունգարիայի արտգործնախարար Պետեր Սիյարտոն կոչ է արել Եվրոպային ընդունել Ուկրաինայի վերաբերյալ 28 կետից բաղկացած խաղաղության ծրագիրը։
«28 կետից բաղկացած խաղաղության ծրագիրը կարևոր հնարավորություն է վերջ տալու Ուկրաինայի պատերազմին։ Այնուամենայնիվ, որոշ արևմտաեվրոպական առաջնորդներ փորձում են այն արգելափակել։ Մեր դիրքորոշումը պարզ է․ յուրաքանչյուր եվրոպացի քաղաքական գործիչ պարտավոր է լիովին և անվերապահորեն աջակցել այս ծրագրին, քանի որ դա ռացիոնալ և մարդասիրական ընտրություն է», — գրել է նա X սոցիալական ցանցում։
ԱՄՆ-ի նոր ծրագիրը, որը մշակվել է նախագահ Դոնալդ Թրամփի հատուկ բանագնաց Սթիվ Ուիթքոֆի կողմից՝ Ռուսաստանի նախագահի հատուկ ներկայացուցիչ Կիրիլ Դմիտրիևի մասնակցությամբ, նախատեսում է Ղրիմի և Դոնբասի փոխանցում Ռուսաստանի վերահսկողությանը, Ուկրաինայի զինված ուժերի կրճատում, ՆԱՏՕ-ին անդամակցությունից Ուկրաինայի հրաժարում և օտարերկրյա ուժերի տեղակայման արգելք նրա տարածքում։
Axios-ի աղբյուրների համաձայն, Կիևը և եվրոպական մայրաքաղաքները «շոկի» մեջ են եղել այս նախագծից։
Նոյեմբերի 23-ին Ժնևում տեղի են ունեցել բանակցություններ խաղաղության ծրագրի շուրջ՝ ԱՄՆ-ի, Ուկրաինայի և Եվրոպայի ներկայացուցիչների մասնակցությամբ։
Առաջին օրվա բանակցություններից հետո ԱՄՆ-ն ու Ուկրաինան հայտարարել են, որ Ժնևում նոյեմբերի 23-ին պատրաստել են խաղաղության վերաբերյալ թարմացված և վերամշակված շրջանակային փաստաթուղթ։
