ՀՀ քաղաքացիները կկարողանան շարունակել աշխատել Լեհաստանում պարզեցված ընթացակարգով: Համապատասխան որոշումն ընդունել է Լեհաստանի աշխատանքի, ընտանիքի և սոցիալական քաղաքականության նախարարը։

Մասնավորապես, ՀՀ քաղաքացիները կկարողանան աշխատել Լեհաստանում հայտարարագրի հիման վրա, որը նրանց հնարավորություն է տալիս վիզայի հրավեր և ժամանակավոր բնակության թույլտվություն ստանալ, ինչպես նաև երկու տարի անընդմեջ ոչ սեզոնային աշխատանքի տեղավորվել։

Նույն իրավունքը կունենան նաև Բելառուսի, Մոլդովայի և Ուկրաինայի քաղաքացիները։

Ընդ որում, ըստ նոր որոշման, Վրաստանի քաղաքացիները դեկտեմբերի 1-ից կզրկվեն այդ արտոնությունից։