Կրեմլում վերսկսվել են Ռուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիթքոֆի միջև բանակցությունները, հաղորդում է «Коммерсантъ»-ը։

Արդեն ավելի քան չորս ժամ ընթացող հանդիպումն ընդհատվել էր կարճատև ընդմիջման համար։ Ամերիկյան կողմից բանակցություններին մասնակցում է նաև նախագահ Դոնալդ Թրամփի փեսան՝ Ջարեդ Քուշները։

Ինչպես ավելի վաղ հաղորդվել էր, կողմերը քննարկում են Վաշինգտոնի և Կիևի միջև խորհրդակցություններից հետո մշակված ամերիկյան խաղաղության ծրագիրը։

Սա պարոն Ուիթքոֆի վեցերորդ այցն է Մոսկվա՝ Թրամփի վարչակազմում պաշտոնը ստանձնելուց ի վեր։