նախընտրելի դարձնել
Եվրոպական խորհուրդը չորեքշաբթի օրը հայտարարել է, թե Եվրոպական խորհրդարանի հետ համաձայնության է հասել ռուսական գազի ներմուծումը մինչև 2027 թվականը աստիճանաբար դադարեցնելու շուրջ, որպես ռուսական էներգակիրներից կախվածությունը դադարեցնելու ջանքերի մաս, հաղորդում է Reuters-ը։
Համաձայնագիրը կներառի Ռուսաստանից հեղուկացված բնական գազի (ՀԲԳ) և խողովակաշարային գազի ներմուծման իրավաբանորեն պարտավորեցնող փուլային արգելք, իսկ լիակատար արգելքը կսկսվի համապատասխանաբար՝ 2026 թվականի վերջից և 2027 թվականի աշնանից։
Հոկտեմբերի դրությամբ՝ Ռուսաստանի բաժինը ԵՄ գազի ներմուծման մեջ կազմում է 12 տոկոս, մինչդեռ մինչև 2022 թվականին Ուկրաինայում պատերազմի սկսվելը այդ ցուցանիշը կազմել է 45 տոկոս։
Միևնույն ժամանակ, Հունգարիան, Ֆրանսիան և Բելգիան մնացել են այն երկրների շարքում, որոնք շարունակել են ստանալ ռուսական գազ։
