նախընտրելի դարձնել
Եվրոպայում ռուսական գազի փոխարեն թանկարժեք էներգակիրների անցումը կարագացնի ԵՄ առաջատար տնտեսական ներուժի կորուստը, հայտարարել է Ռուսաստանի նախագահի մամուլի քարտուղար Դմիտրի Պեսկովը, հաղորդում է «ՌԻԱ Նովոստի»-ն։
«Այսպիսով, Եվրոպան իրեն դատապարտում է էներգիայի շատ ավելի թանկ աղբյուրների, ինչն անխուսափելիորեն կհանգեցնի հետևանքների Եվրոպայի տնտեսության և Եվրոպայի մրցունակության անկման համար։ Դա միայն կարագացնի վերջին տարիներին նկատվող գործընթացը՝ Եվրոպական տնտեսության կողմից իր առաջատար ներուժը կորցնելու ուղղությամբ», - ասել է Պեսկովը՝ պատասխանելով Ռուսաստանի կողմից Եվրահանձնաժողովի (ԵՀ) ղեկավար Ուրսուլա ֆոն դեր Լեյենի այն հայտարարությանը, թե Եվրոպան այլևս կախված չի լինի ռուսական գազից։
Ավելի վաղ Reuters գործակալությունը հայտնել էր, որ Եվրոպական խորհուրդը չորեքշաբթի օրը հայտարարել է, որ Եվրոպական խորհրդարանի հետ համաձայնության է եկել 2027 թվականին ռուսական գազի ներկրումը աստիճանաբար դադարեցնելու վերաբերյալ՝ որպես ռուսական էներգակիրներից կախվածությունը դադարեցնելու ջանքերի մաս։
