նախընտրելի դարձնելԱրքեպիսկոպոս Արշակ Խաչատրյանը համալրել է քաղբանտարկյալների շարքը Հայաստանում։ Այս մասին հայտնել է «Հայաքվե» շարժման համակարգող Ավետիք Չալաբյանը հոկտեմբերի 5-ի մամուլի ասուլիսում։
Հիշեցնենք, որ այսօր դատարանը վճռել է ձերբակալել արքեպիսկոպոս Արշակին երկու ամսով՝ 2018թ․ ընդդեմ կաթողիկոսի բողոքի ակցիայի չգիտես որտեղից հայտնված ոմն մասնակցի ցուցմունքների հիման վրա։
«Կա եւս մեկ քաղբանտարկյալ։ Դատարանը անօրինական որոշում է կայացրել ձերբակալել արքեպիսկոպոս Արշակ Խաչատրյանին։ Մենք մեր աջակցությունն ենք հայտնում նրան եւ բոլոր քաղբանտարկյալներին, այդ թվում՝ «Հայաքվե» շարժման ներկայացուցիչներին»,- հայտարարել է Չալաբյանը։ Նա հիշեցրել է, որ երկրում քաղբանտարկյալների ընդհանուր թիվը գերազանցում է 80-ը։ «Մենք հույս ունենք, որ արդարությունը կհաղթանակի, եւ մեր բոլոր եղբայրները ազատ կարձակվեն ու կմիավորվեն իրենց ընտանիքների հետ, իսկ երկիրը թեթեւացած շունչ կքաշի»,- հայտնել է Չալաբյանը։
