Ռուսաստանի վարչապետ Միխայիլ Միշուստինը հեռախոսազրույց է ունեցել Ադրբեջանի վարչապետ Ալի Ասադովի հետ, հաղորդում է Ռուսաստանի կառավարության մամուլի ծառայությունը։

Կողմերը քննարկել են երկրների միջև առևտրատնտեսական, գիտական ​​և տեխնիկական համագործակցության հիմնական հարցերը, ինչպես նաև ԱՊՀ շրջանակում համագործակցության խորացման հնարավորությունները։

Միշուստինը և Ասադովը միաժամանակ ընդգծել են արդյունաբերության, էներգետիկայի, տրանսպորտային ենթակառուցվածքների և այլ ոլորտներում համատեղ նախագծերի իրականացման կարևորությունը։