ՆախընտրելիՄոսկվայում, Պետերբուրգում եւ Ռուսաստանի մի շարք այլ քաղաքներում այսօր` փետրվարի 4-ին տեղի են ունցել ընդդիմության «Հանուն ազատ ընտրությունների» կարգախոսով հանրահավաքները: Միեւնույն ժամանակ, մայրաքաղաքի այլ հատվածում անցակացվել է իշխանամետ հանրահավաք` «Մենք կորցնելու բան չունենք» կարգախոսով:
Ընդդիմության հանրահավաքի մասնակիցների թվի վերաբերյալ տեսակտները տարբեր են. Մոսկվայի ՆԳԳՎ-ի գնահատականներով` մասնակցել է 14,000 մարդ, քաղաքային իշխանությունները նշում են 36,000, իսկ կազմակերպիչները` մինչեւ 120,000 մարդ:
Ընդդիմության հանրահավքի մասնակիցները բանաձեւ են ընդունել, որը հետեւյալ պահանջներն է պարունակում.
1. Քաղբանտարկյալների եւ բոլոր անարդարացի դատապարտվածների ազատ արձակում
2. Պետդումայի ընտրությունների չեղյալ համարում
3. ԿԸՀ նախագահ Չուրովի պաշտոնանկություն, նրա գործունեության հետաքննում
4. Ընդդիմադիր կուսակցությունների գրանցում եւ նոր ընտրական օրենսդրության ընդունում: Քաղաքական համակարգի բարեփոխումների իրականացում
5. Ազատ նախագահական եւ խորհրդարանական ընտրությունների անցկացում, հաղորդում է «Ազատություն» ռադիոկայանը:
Վլադիմիր Պուտինի աջակցության հանրահավաքին, ըստ իշխանությունների, մասնակցել է 100 հազ. մարդ: Այս հանրահավաքում հիմնական լեյտմոտիվը Ռուսաստանի քայքայում թույլ չտալն էր: Ելույթ ունեցողներն անդրադարձել են նաեւ ընդիմության հանրահավքին ` նշելով, որ «օրանժիզմը» չի անցնի: «Մենք տարբեր կերպ ենք վերաբերվում Վլադիմիր Պուտինին, ոմանք աջակցում են, ոմանք` ոչ, սակայն մենք թույլ չենք տա քայքայել երկիրը»,-ասել է հանրահավաքը վարող Մաքսիմ Շեւչենկոն, հաղորդում է «Ինտերֆաքսը»:
