Ուկրաինան դեկտեմբերի 18-ի գիշերը անօդաչու թռչող սարքերով հարձակումներ է իրականացրել Դոնի Ռոստովի, Բատայսկի և Տագանրոգի վրա, հայտնել է Ռոստովի մարզի նահանգապետ Յուրի Սլյուսարը։

Նրա խոսքով՝ Ռոստովի նավահանգստի վրա կատարված հարձակման հետևանքով բեռնատար նավ է բռնկվել։ Նավի վրա գտնվող անձնակազմի երկու անդամ զոհվել է, ևս երեքը ստացել են վնասվածքներ։ Հրդեհի մակերեսը կազմել է 20 քառակուսի մետր։ Քաղաքի արևմտյան հատվածում վնասվել է նաև բազմահարկ նորակառույց շենք. տուժածներ չկան։

Բատայսկում անօդաչու թռչող սարքի հարձակման հետևանքով վիրավորվել է յոթ մարդ, որոնցից երեքը հոսպիտալացվել են։ Մեկ մարդ մահացել է։

Astra-ն հաղորդում է, որ Բատայսկում բնակելի շենքում անօդաչու թռչող սարքի հարձակումից հետո հրդեհ է բռնկվել։

Ռուսաստանի պաշտպանության նախարարությունը հայտնել է, որ դեկտեմբերի 17-ի երեկոյից ի վեր ՀՕՊ համակարգերը ուկրաինական 77 անօդաչու թռչող սարք են խոցել։ Նախարարության տվյալներով՝ Ռոստովի մարզում երեք անօդաչու թռչող սարք է ոչնչացվել։