Մոսկվայի մարզի «Ադմիրալ» զբոսանավային ակումբի ջրատարածքում զոհվել է «Սոլնցևսկայա» կազմակերպված հանցավոր խմբավորման նախկին պարագլուխներից մեկը՝ Վիկտոր Ավերինը։ Սառույցի վրա մանևր կատարելիս նրա նավը շրջվել է. հայտնում է Mash տելեգրամյան ալիքը։

Ըստ Mash-ի, նավում եղել է վեց մարդ՝ հինգ տղամարդ և մեկ կին։ Նրանցից հինգն ընկել են ջուրը և կարողացել են բարձրանալ շրջված նավի վրա, ապա աերոսահնակների օգնությամբ հասել են ափ։

Երկու հոգու զննել են բժիշկները, երեքը հրաժարվել են բժշկական օգնությունից։ Տուժածներից մեկին գլխի սալջարդերով տեղափոխել են հիվանդանոց, իսկ մյուսը, որի մոտ գերսառեցում է ախտորոշվել, հրաժարվել է հոսպիտալացումից։

Վիկտոր Ավերինը մյուսների հետ ջրի երես դուրս չի եկել։ Նրա մարմինը հանելու համար դեպքի վայր են ժամանել ջրասուզակներ։