Ռուսաստանի և Բելառուսի նախագահներ Վլադիմիր Պուտինը և Ալեքսանդր Լուկաշենկոն հանդիպել են Սանկտ Պետերբուրգում. հայտնում է ТАСС-ը:

Պուտինը շնորհակալություն է հայտնել բելառուս գործընկեր Ալեքսանդր Լուկաշենկոյին ռուս-բելառուսական հարաբերությունների բարձր գնահատականի համար։

«Ուզում եմ շնորհակալություն հայտնել ձեզ ռուս-բելառուսական հարաբերությունների որակի բարձր գնահատականի համար։ Ուշադրություն եմ դարձրել այն ջերմությանը, որով խոսել եք Ռուսաստանի և մեր հարաբերությունների մասին»,- դիմել է Պուտինը Լուկաշենկոյին։

Լուկաշենկոն իր հերթին հայտարարել է, որ Մինսկն ու Մոսկվան կյանքի են կոչում բոլոր պայմանավորվածությունները, և հարցեր գրեթե չկան։

«Մենք իրականացնում ենք բոլոր պայմանավորվածությունները՝ սկսած ռազմատեխնիկական, ռազմական, պաշտպանական համագործակցությունից մինչև տնտեսություն։ Այստեղ հարցեր գրեթե չկան»,- ասել է Բելառուսի առաջնորդը։

Լուկաշենկոն շնորհակալություն է հայտնել Պուտինին Համաբելառուսական ժողովրդական հավաքի նիստում իր ելույթը գնահատելու համար։