նախընտրելի դարձնել
ԵՄ երկրներից մեկում անվտանգության հարցերը կրկին ուշադրության կենտրոնում են հայտնվել Եվրոպայի խոցելիության և Ռուսաստանի գործունեության հետ կապված ռիսկերի վերաբերյալ քննարկումների ֆոնին, հաղորդում է The Telegraph-ը։
Աշխարհաքաղաքական լարվածության աճի ֆոնին ավելի հաճախ են հնչում գնահատականներ, որոնք մատնանշում են եվրոպական պաշտպանական համակարգի թույլ կողմերը՝ մասնավորապես Ռուսաստանից բխող սպառնալիքների դեմ:
Մասնագետները հատկապես մտահոգված են այն պետություններով, որոնք չունեն սպառնալիքների հայտնաբերման և չեզոքացման բավարար կարողություններ։
Իռլանդացի սենատոր և թոշակի անցած բանակի կապիտան Թոմ Քլոնանը նշել է, որ իր երկիրը «Եվրոպայի ամենաթույլ օղակն է անվտանգության, պաշտպանության և հետախուզության ոլորտում»։
Նրա խոսքով՝ Դուբլինը չունի ժամանակակից սենսորներ սպառնալիքները հայտնաբերելու համար և չունի սպառազինություն, որն ունակ է կանգնեցնել դրանք, ինչը երկիրը դարձնում է «բացարձակապես անպաշտպան և սադրիչ կերպով թույլ»:
Ինչպես նշում է The Telegraph-ը, Իռլանդիայի համար պոտենցիալ ռիսկերը հիմնականում կապված են ոչ թե ուղղակի ռազմական ներխուժման, այլ այսպես կոչված «գորշ գոտու» սպառնալիքների հետ:
Առաջին հերթին խոսքը վերաբերում է հարակից ջրերում գտնվող ստորջրյա մալուխների և գազամուղների ցանցին: Վերլուծաբանների գնահատմամբ՝ առանցքային տրանսատլանտյան մալուխների մոտ երեք քառորդն անցնում է Իռլանդիայի սահմաններով կամ դրանց մոտով:
Պարբերականը հիշեցնում է, որ անցյալ տարվա նոյեմբերին ռուսական «Յանտար» հետախուզական նավը նկատվել է այն մալուխների մոտ, որոնցից օգտվում են Microsoft-ը և Google-ը, որոնց եվրոպական կենտրոնակայանները գտնվում են Իռլանդիայում:
Ընդ որում, երկիրը չունի ժամանակակից ռադիոլոկացիոն և հիդրոակուստիկ համակարգեր և հաճախ Ռուսաստանի գործողությունների մասին տեղեկանում է միայն դաշնակիցներից, մասնավորապես՝ Մեծ Բրիտանիայից:
Հիշատակվում է նաև 2023 թվականի դեկտեմբերի մի միջադեպ, երբ բրիտանական ռազմական նավը և ուղղաթիռը դուրս են մղել ռուսական սուզանավը Քորք նավահանգստի մոտակայքից:
Առանձնահատուկ նշվում է Ուկրաինայի նախագահ Վլադիմիր Զելենսկու թռիչքի մասին, որի ժամանակ օդային տարածքում անօդաչու թռչող սարքեր են նկատվել:
Չնայած տեղի ունեցածին՝ Իռլանդիայի իշխանությունները հրապարակային պարզաբանումներ չեն տվել և չեն հայտարարել պաշտպանական քաղաքականության վերանայման մասին:
