Նախընտրելի
Ստամբուլում եւ Թուրքիայի մի շարք շրջաններում սպասվում են անոմալ ցածր ջերմաստիճաններ 2025թ․ դեկտեմբերի 26-ից մինչեւ 2026թ․ հունվարի 2-ը, որոշ տեղերում հնարավոր է ձյուն։ Այս մասին դեկտեմբերի 26-ին տեղեկացրել է TRT Haber հեռուստաալիքը՝ հղում կատարելով օդերեւութաբանների տվյալներին։
Նրանց համաձայն՝ ջերմաչափի սյունը կիջնի մինչեւ 0 աստիճան Ստամբուլում, մինուս 3 Էդիրնեում եւ Քըրքլարելիում, մինուս 1 Թեքիրդաղում եւ Քոջաելիում, մինուս 2 Սակարիայում եւ պլյուս 1 Յալովում։ Քոջաելիում, Սակարիայում եւ Յալովում, ինչպես նաեւ Անատոլիայի բարձրադիր շրջաններում դեկտեմբերի 27-ից կանխատեսվում է ձյուն։
Ստամբուլի նահանգապետի աշխատակազմը, որի տեղեկությունը եւս մեջբերել է հեռուստաալիքը, նախազգուշացրել է դեկտեմբերի 26-27-ին հնարավոր ձյան կամ թաց ձյան տեղումների մասին ծովի մակերեւույթից բարձր գտնվող վայրերում, քաղաքի մնացած մասում սպասվում է անձրեւ։ Նշվել է նաեւ, որ ջերմաստիճանի իջեցումը շաբաթվա ընթացքում՝ սկսած դեկտեմբերի 26-ից, կկազմի 5-8 աստիճան, ինչը ցածր է կլիմայական նորմայից։
