Հարավկորեական Samsung ընկերությունը, որը դադարեցրել էր մատակարարումները Ռուսաստան, ՌԴ-ում երկու ապրանքանիշ է գրանցել, պարզել է TACC-ը։ Գրանցված նշանների թվում են Samsung Neo QLED-ը և MovingStyle-ը։

Samsung-ը 2022 թվականի մարտին հայտարարել էր ռուսաստանյան շուկա իր արտադրանքի մատակարարումների դադարեցման մասին։ Ընկերությունը դադարեցրել էր նաև արտադրությունը Կալուգայի մարզում գտնվող իր միակ ռուսաստանյան գործարանում։ 2025 թվականի սկզբին հարավկորեական լրատվամիջոցները գրում էին, որ ընկերությունը հնարավոր է համարում վերադարձը ռուսաստանյան շուկա։

Ընկերությունը գրանցման հայտերը Հարավային Կորեայից Մտավոր սեփականության դաշնային ծառայություն (Ռոսպատենտ) է ներկայացրել 2024 թվականի օգոստոսին և 2025 թվականի ապրիլին։ Ապրանքանիշերը գրանցվում են Ապրանքների և ծառայությունների միջազգային դասակարգման (ԱԾՄԴ) 9-րդ դասով, որը ներառում է նաև տարբեր տեսակի հեռուստացույցներ ու մոնիտորներ։

Ապրանքանիշերի գործողության ժամկետը լրանում է 2034 թվականի օգոստոսին և 2035 թվականի ապրիլին։

Բացի այդ, 2025 թվականի դեկտեմբերին ընկերությունը Samsung Spatial Signage և Samsung ENSS ապրանքանիշերի գրանցման ևս երկու հայտ է ներկայացրել։ Այս ապրանքանիշերը նույնպես ներկայացվել են ԱԾՄԴ 9-րդ դասով, որի մեջ մտնում են էկրաններ, թվային ցուցանակներ, ինչպես նաև տարբեր մոնիտորներ, միաբյուրեղ համակարգեր և ինտեգրալային սխեմաներ։

2022 թվականի մարտին հարավկորեական Samsung ընկերությունը հայտարարեց Ռուսաստան իր արտադրանքի մատակարարումների կասեցման մասին։ Ավելի ուշ՝ բաղադրիչների պակասի պատճառով, դադարեցվեց նաև արտադրողի՝ Կալուգայում գտնվող միակ ռուսաստանյան գործարանի աշխատանքը։