Եկատերինբուրգում քանդում են «Կասպիական» սրճարանը, որը նախկինում ադրբեջանական սփյուռքի անդամների հավաքատեղի էր։ Այս մասին հայտարարել է քաղաքի հանրային պալատի անդամ Դմիտրի Չուկրեևը, ըստ «Կոմերսանտի»։

Սրճարանը նախկինում պատկանել է Հուսեյն և Զիյադդին Սաֆարովներին, որոնք մահացել են սրտի խնդիրներից՝ այս ամռանը Եկատերինբուրգում Ադրբեջանի քաղաքացիների զանգվածային ձերբակալություններից հետո։ Նրանց մեծ մասը հետագայում ազատ է արձակվել, սակայն մի քանիսը ձերբակալվել են։ Անվտանգության աշխատակիցների խոսքով՝ երեքն էլ ներգրավված են եղել 2000-ականներին սպանությունների և սպանության փորձերի մեջ։ Հետաքննիչները պարզել են, որ նրանց հանցագործությունների դրդապատճառները եղել են տարածքի համար կռիվը և ադրբեջանական սփյուռքում գերիշխանության համար պայքարը։

2026 թվականի հունվարի 15-ին Եկատերինբուրգի Կիրովսկի շրջանային դատարանը կսկսի Շուջայադդին Ռաջաբովի, Ակիֆի, Այազի, Բաքիրի, Քամալի և Մազահիր Սաֆարովների,  սփյուռքի նախկին առաջնորդ Շահին Շիխլինսկիի և նրա որդու՝ Մութվալա Շիխլինսկիի դեմ հարուցված քրեական գործի քննությունը։

Հիշեցնենք, որ դեկտեմբերի սկզբին Եկատերինբուրգի Վերխ-Իսեցկի շրջանային դատարանը ձերբակալեց ադրբեջանական համայնքի և «Ուրալի ադրբեջանցիների մշակույթի, երիտասարդության և սպորտի կենտրոնի» նոր ղեկավար Վիդադի Մուստաֆաևին։ Նա պաշտոնը ստանձնեց սեպտեմբերին՝ նախկին սփյուռքի առաջնորդ Շահին Շիխլինսկիի ձերբակալությունից հետո։