Իրանի նախագահ Մասուդ Փեզեշքիանը դիմել է ժողովրդին, հայտնում է Press TV-ն։

Մասնավորապես, նա նշել է, որ երկրի իշխանությունները փորձում են լուծել խնդիրները և թեթևացնել մարդկանց հոգսերը։

Անդրադառնալով Իրանում տեղի ունեցող անկարգություններին՝ Փեզեշքիանն ընդգծել է, որ կառավարությունը թույլ չի տա, որ «որևէ օտարերկրացի պառակտում սերմանի ազգի մեջ»։

Նա ողջ իրանցի ժողովրդին կոչ է արել միավորել ջանքերը երկրի առջև ծառացած խնդիրները լուծելու համար։

Իրանի նախագահն ընդգծել է, որ հասարակության բոլոր շերտերին կոչ է անում կառավարության հետ միասնաբար պայքարել օտարերկրյա աջակցություն ստացող անկարգությունների դեմ։

«Ոչ մի համաքաղաքացի չպետք է քաոս ստեղծի, ոչ մի մարդ չպետք է սպանի մեկ այլ մարդու»,- ասել է նա։

Ըստ Փեզեշքիանի, իր կառավարությունը պայքարում է երկրում կոռուպցիայի արմատների դեմ։

«ԱՄՆ նախագահը պետք է ամաչի այն ամենի համար, ինչ անում է Վենեսուելայում, Գազայում և այլ վայրերում»,- հավելել է նա։