Նախընտրելի
«Մեծ յոթնյակի» (G7) երկրների մեծ մասի առաջնորդները ծրագրում են Դավոսի Համաշխարհային տնտեսական ֆորումի (ՀՏՖ) շրջանակներում մասնակցել ԱՄՆ նախագահ Դոնալդ Թրամփի և Վլադիմիր Զելենսկու հանդիպմանը։ Այս մասին հայտնել է Financial Times (FT) թերթը՝ հղում անելով երեք անանուն աղբյուրների։
Նրանց տեղեկություններով՝ հունվարի 21-ին նախատեսված հանդիպման հիմնական նպատակն է փորձել Թրամփից ստանալ Ուկրաինայի անվտանգության երաշխիքների անձնական հավանությունը։ Ինչպես նշվում է հոդվածում՝ այս նպատակով Շվեյցարիա են պատրաստվում մեկնել Մեծ Բրիտանիայի, Իտալիայի և Կանադայի վարչապետներ Քիր Սթարմերը, Ջորջա Մելոնին և Մարկ Քարնին, Գերմանիայի կանցլեր Ֆրիդրիխ Մերցը, Ֆրանսիայի նախագահ Էմանուել Մակրոնը, ինչպես նաև Եվրահանձնաժողովի նախագահ Ուրսուլա ֆոն դեր Լեյենը։
Չի բացառվում, որ հանդիպմանը միանան նաև այլ առաջնորդներ այն երկրներից, որոնք մտնում են Ուկրաինային օգնություն ցուցաբերող այսպես կոչված «ցանկացողների կոալիցիայի» մեջ։ Ըստ պարբերականի, բաև նախատեսված է հանդիպում անցկացնել կոալիցիայի երկրների ազգային անվտանգության հարցերով խորհրդականների մակարդակով։
