նախընտրելի դարձնել
Իրանում ինտերնետ հասանելիության վերականգնումը կարող է տեղի ունենալ երկու շաբաթվա ընթացքում։ Այս մասին հայտնել է «Fars» գործակալությունը։
Նյութում նշվում է, որ սահմանափակումները մտցվել են «թշնամու ծրագրերին հակազդելու համար», որոնք նպատակ ունեին «անկարգությունների սկսվելուց հետո բարձրացնել բռնության մակարդակը, որպեսզի երկրում տիրող ընդհանուր անկայունության պայմաններում իսրայելական հետախուզական ծառայություններն ու ահաբեկչական խմբավորումները» ակտիվանային՝ «խաղաղ բնակիչների զանգվածային սպանություններ» իրականացնելու համար։
Ըստ գործակալության տվյալների՝ «ներկայումս, ժողովրդի զգոնության շնորհիվ, թշնամու ծրագիրը ձախողվել է», սակայն «ահաբեկչական կազմակերպված կորիզը դեռ պետք է լիկվիդացվի» իրավապահ մարմինների կողմից։
«Fars»-ը նաև մատնանշում է, որ «առանց միջազգային ինտերնետի հասանելիության՝ ահաբեկչական խմբերի պարագլուխների միջև համակարգումը չափազանց դժվար է»։ Այդ իսկ պատճառով, գործակալությունը եզրակացնում է, որ մեկ-երկու շաբաթվա ընթացքում «համապատասխան մարմինների» կողմից որոշում կկայացվի ինտերնետի հասանելիության ընդլայնման վերաբերյալ
