նախընտրելի դարձնելԿաննի կինոփառատոնի դափնեկիր Թերենս Մալիքը մտադիր է նոր ֆիլմ նկարահանել, որում կխաղան Նաթալի Փորթմանը, Քեյթ Բլանշեթը եւ Քրիստիան Բեյլը:
Հայտնի է նաեւ, որ երաժշտությանը նվիրված ֆիլմում խաղալու է Իզաբել Լուկասը, որը հայտնի է դարձել շնորհիվ «Տրանսֆորմերների» երկրորդ մասում Ալիսայի դերակատարման: Ֆիլմի մասին առավել մանրամասն տեղեկություններ չկան, քանի որ ռեժիսորն ավանդույթի համաձայն հրաժարվում է շփվել լրագրողների հետ:
«Կինեմատոգրաֆից Սելինջեր» Թերենս Մալիքը, որը 30 տարվա ընթացքում միայն 4 ֆիլմ է նկարահանել, այժմ կարծես նպատակ է դրել լրացնել բացթողումը` ամեն տարի մեկ ֆիլմ նկարահանելով:
Այսպես, Կաննում մրցանակ ստանալուց հետո ռեժիսորն արդեն հասցրել է մեկ ֆիլմ ավարտել, որն էկրաններին կհայտնվի 2012 թվականին:
Այդ ֆիլմում նկարահանվել են Բեն Աֆլեքը, Ռեյչել Մաքադամսը, Ռեյչել Վայսը, Խավիեր Բարդեմը, Մայքլ Շինը եւ Օլգա Կուրիլենկոն:
Եւս մեկ նոր ֆիլմ` «Առանց օրենքի», Մալիկը նախատեսում է նկարահանել արդեն 2012 թվականի սեպտեմբերին: Բացի Ռունի Մարից ֆիլմում կնկարահանվեն Ռայան Հոսլինգը, Քրիստիան Բեյլը, Հեյլի Բեննեթը եւ Քեյթ Բլանշեթը, գրում է NEWSru.com-ը:
