Ամերիկացի զինվորները պետք է հրաժեշտ տան իրենց ընտանիքներին, եթե հետևեն ԱՄՆ նախագահ Դոնալդ Թրամփի հրամաններին՝ Իրանի վրա ևս մեկ հարձակում սկսելու համար: Իսլամական Հանրապետության Ազգային անվտանգության կոմիտեի նախագահ Էբրահիմ Ազիզին այս նախազգուշացումը տարածել է սոցիալական ցանցերում:

«Ես հույս ունեմ, որ եթե ԱՄՆ-ն իսկապես սխալ է թույլ տվել՝ հետևելով իր խելագար նախագահի սխալ հաշվարկներին, ապա տարածաշրջանում գտնվող իր զինվորներն արդեն հրաժեշտ են տվել իրենց ընտանիքներին», - հայտարարել է նա:

Հունվարի 23-ին Թրամփը հայտարարեց, որ ԱՄՆ ռազմածովային նավերը շարժվում են դեպի Իրան՝ «ամեն դեպքում»: The Wall Street Journal (WSJ)-ը հաղորդել է, որ ԱՄՆ առաջնորդը շարունակում է պնդել Իրանի դեմ ուժ կիրառելու «վճռական» տարբերակների վրա:

2025 թվականի դեկտեմբերի վերջին Իրանը բախվեց զանգվածային բողոքի ալիքի, որը առաջացավ իր ազգային արժույթի՝ իրանական ռիալի արժեզրկման պատճառով: Ի պատասխան՝ կառավարությունը խստացրեց անվտանգության միջոցառումները, իսկ ոստիկանությունը ցուցարարների դեմ կիրառեց արցունքաբեր գազ և ոչ մահացու զենք: Իրանի իշխանությունները անկարգությունների համար մեղադրում են արտաքին ուժերին: Իրանի արտաքին գործերի նախարարությունը պնդում էր, որ Միացյալ Նահանգները և Իսրայելը ներգրավված են բողոքի ցույցերի կազմակերպման մեջ։