Նախընտրելի
Կառավարությունը հետևողականորեն վերականգնում է հանրային շահերը և պետական իրավունքներն անտառածածկ և կանաչ տարածքների նկատմամբ, որոնք տարիներ առաջ մասնավոր սեփականության են փոխանցվել։ Դրա մասին տարեվերջյան մամուլի ասուլիսում հայտարարել է շրջակա միջավայրի նախարար Համբարձում Մաթևոսյանը։
«Շրջակա միջավայրի նախարարության, գլխավոր դատախազության և այլ գերատեսչությունների համագործակցության արդյունքում 2025 թվականին պետությանը ավելի քան 13 հազար հեկտար անտառածածկ տարածք է վերադարձվել»,- նշել է Մաթևոսյանը։ Նա մանրամասնել է, որ այդ տարածքից 5330 հեկտարը մասնավոր սեփականատերերից է վերադարձվել և ներառվել «Խոսրովի անտառ» պետական արգելոցում։
Ադրադառնալով անտառտնտեսության թեմային, նախարարը հայտնել է, որ 2025 թվականին պետական բյուջեի միջոցներով 260 հեկտար անտառածածկ տարածքի վրա վերականգնողական աշխատանքներ են իրականացվել։ 170 հեկտարի վրա հիմնվել են անտառային տնկարկներ, իսկ 90 հեկտարի վրա՝ բնական անտառվերականգնման աջակցություն է ցուցաբերվել։ Ավելին, ՄԱԿ-ի Պարենի և գյուղատնտեսության կազմակերպության ծրագրերի շրջանակում անտառապատման և անտառաբաշխման աշխատանքներ են իրականացվել ընդհանուր առմամբ 474 հեկտար տարածքի վրա: Փոխհատուցման համաձայնագրերի և այլ կազմակերպությունների միջոցով անտառապատում է իրականացվել ևս 24 հեկտարի վրա։
Մաթևոսյանը նշել է, որ համայնքներում կանաչ տարածքները մեծացնելու համար աճեցվել է զարգացած արմատային համակարգ ունեցող մեկ միլիոն սածիլ, որից ավելի քան 25 հազարը նվիրաբերվել է համայնքներին: Անտառային վնասատուների և հիվանդությունների կենսաբանական պայքար է իրականացվել մոտ 5 հազար հեկտար անտառածածկ տարածքներում: Ավելին, 8441 շահառուների ընդհանուր առմամբ 44 հազար 519 խորանարդ մետր վառելափայտ է տրամադրվել:
