Նախընտրելի«Ես կարծում եմ, որ նպատակահարմար կլինի հայկական էներգետիկ համակարգը կապել ադրբեջանական եւ թուրքական էներգետիկ համակարգերի հետ»,- հունվարի 29-ին լրագրողների հետ զրույցում հայտնել է ՀՀ վարչապետ Նիկոլ Փաշինյանը։
Նրա խոսքով՝ միասնական էներգետիկ տարածքի ստեղծումը տարածաշրջանը կվերածի միջազգային հզոր արտահանողի։ «Սա նաեւ կդառնա նոր անվտանգության ճարտարապետության հիմքը»,- ավելացրել է Փաշինյանը։
Նա նշել է, որ Հայաստանն ու Ադրբեջանն այժմ ունեն ավելորդ էներգետիկ հզորություն։ Սա, նրա կարծիքով, հող է նախապատրաստում փոխշահավետ համագործակցության համար։ «Հայաստանը հետաքրքրված է օգտագործել ադրբեջանական ենթակառուցվածքները՝ ավելի լայն արտահանման շուկաներ մուտք գործելու համար, մինչդեռ Ադրբեջանը կկարողանա էլեկտրաէներգիա տարանցել Նախիջեւան եւ այլ ուղղություններ ՀՀ տարածքով։ Բացի ուղիղ առեւտրից, նախագիծը հանրապետությանը կապահովի տարանցիկ վճարներից ստացվող կայուն եկամուտներ, որոնք կհամալրեն ինչպես պետական բյուջեն, այնպես էլ մասնավոր ընկերությունների հաշիվները»,- բացատրել է կառավարության ղեկավարը։
