Նախընտրելի
Կիևում երկու մարդ է տուժել ռուսական անօդաչու թռչող սարքերի հարձակման հետևանքով, հայտնել է Ուկրաինայի մայրաքաղաքի քաղաքապետ Վիտալի Կլիչկոն։
Սոլոմենսկի շրջանում բժիշկները հոսպիտալացրել են մի կնոջ, իսկ մյուսին օգնություն են ցուցաբերել տեղում, հստակեցրել է նա:
Բացի այդ, վնասներ կան Կիևի մի քանի շրջաններում: Սոլոմենսկի շրջանում անօդաչուի բեկորներն ընկել են առևտրի կենտրոնի մոտ, հարակից երեք բնակելի շենքերում կոտրվել են պատուհանները: Շևչենկովսկի շրջանում բեկորների ընկնելու հետևանքով հրդեհ է բռնկվել գրասենյակային շենքի տանիքին: Դարնիցկի շրջանում անօդաչուի բեկորներն ընկել են բնակելի շենքում գտնվող սրճարանի մոտ, իսկ Օբոլոնսկի շրջանում ավտոկայանատեղիում գտնվող մեքենաներ են այրվել:
