նախընտրելի դարձնելՎրաստանում լույս շաբաթ օրվա` փետրվարի 11-ի գիշերը ուժեղ սառնամանիքներից երկու մարդ է զոհվել:
Մեկ մարդ Թբիլիսիի ուժեղ սառնամանիքներին է զոհ դարձել. բժիշկները չեն կարողացել փրկել շաբաթ գիշերը Թբիլիսիի Այրվածքային կենտրոն վերջույթների ուժեղ ցրտահարությամբ տեղափոխված երկու անձանցից մեկի կյանքը: Նշվում է միայն մահացածի տարիքը` 45 տարեկան, անունը չի նշվում:
Երկրորդ տուժածը դեռեւս վիրաբուժական բաժանմունքում է, բժիշկները փորձում են փրկել նրա կյանքը: Նրանք երկուսն էլ անտուն են եղել եւ սառել են փողոցում, հաղորդում է «Նովոստի Գռուզիան»` հղում անելով հեռուստատեսությանը:
Եվս մեկ մարդ մահացել է Օզուրգեթիի շրջկենտրոնում (Արեւմտյան Վրաստան):
