ՆախընտրելիՀայաստանի խորհրդարանի խոսնակ Ալեն Սիմոնյանը «շատ դրական» է գնահատում Ադրբեջանի հետ համատեղ իրականացվող խաղաղության քաղաքականությունը:
Փետրվարի 10-ին կայացած ճեպազրույցի ժամանակ, պատասխանելով գերիների հետ կապված իրավիճակի մասին հարցին, Սիմոնյանը հայտարարել է, որ այդ աշխատանքի մասին հրապարակավ չի խոսվում, սակայն այն մշտապես շարունակվում է: «Եվ որոշ մարդիկ վերադառնում են: ՀՀ մարտավարության մեջ ոչինչ չի փոխվել», - հավելել է ԱԺ նախագահը: Նրա խոսքով՝ եթե խաղաղության քաղաքականությունը շարունակվի, երկրները խնդիրներ չեն ունենա:
