Կարիբյան ծովում ռազմական ներկայության ընդլայնման հետ կապված ԱՄՆ ծախսերը հասել են մոտ 3 միլիարդ դոլարի: Այս մասին վկայում են Bloomberg գործակալության հաշվարկները։

Ըստ գործակալության տվյալների՝ Կարիբյան ավազանում ուժեղացված ռազմական ներկայության ծախսերը կազմել են 2,9 միլիարդ դոլար: Ամենախոշոր ծախսային հոդվածներից մեկը տարածաշրջանում Gerald R. Ford ավիակրի և նրան ուղեկցող հարվածային խմբի տեղակայումն է, ինչը 2025 թվականի նոյեմբերից ի վեր ամերիկյան վարչակազմի համար արժեցել է մոտ 740 միլիոն դոլար:

Նոյեմբերի կեսերից մինչև հունվարի կեսերը տարածաշրջանում կենտրոնացված է եղել ամերիկյան նավատորմի շուրջ 20%-ը։ Նման խմբավորման պահպանման արժեքն օրական կազմում է մոտ 20 միլիոն դոլար: