Նախընտրելի
ԱՄՆ Մերիլենդ նահանգի գլխավոր դատախազ Էնթոնի Բրաունը հայց է ներկայացրել ԱՄՆ նախագահ Դոնալդ Թրամփի վարչակազմի դեմ՝ անօրինական միգրանտների պահման համար դաշնային կենտրոնի շինարարության պատճառով։ Այս մասին ասված է դատախազության մամուլի հաղորդագրության մեջ։
«Գլխավոր դատախազ Էնթոնի Գ. Բրաունն այսօր հայց է ներկայացրել՝ Թրամփի վարչակազմի կողմից Մերիլենդ նահանգի Վաշինգտոն շրջանում միգրանտների պահման լայնամասշտաբ դաշնային կենտրոնի ապօրինի շինարարությունը կասեցնելու համար», - նշվում է հաղորդագրության մեջ։
Հայցի համաձայն՝ ԱՄՆ ներքին անվտանգության նախարարությունը և Ներգաղթի ու մաքսային հսկողության ծառայությունը (ICE) դաշնային հարկային մուտքերից ավելի քան 100 միլիոն դոլարով ձեռք է բերել Ուիլյամսպորտ քաղաքի մոտակայքում գտնվող պահեստային շինությունը և պատրաստվում է այն վերածել կենտրոնի՝ «առանց անհրաժեշտ բնապահպանական փորձաքննության, հանրային մասնակցության կամ նահանգային իշխանությունների հետ խորհրդակցությունների»։
Դատախազի խոսքով՝ Ուիլյամսպորտում պահեստի գնումը համապետական մասշտաբով զանգվածային կալանավորման ենթակառուցվածքների ստեղծմանն ուղղված ավելի լայն ջանքերի մի մասն է։ Պահեստները ձեռք են բերվում և վերածվում միգրանտների պահման կենտրոնների, որոնց հզորությունը նախատեսված է տասնյակ հազարավոր մարդկանց տեղավորելու համար։ «Մերիլենդը մտադիր է պաշտպանել մարդկանց անմարդկային, հակասանիտարական և վտանգավոր պայմաններից», - նշված է մամուլի հաղորդագրության մեջ։
