Ընդունվող որոշումների քաղաքական նպատակահարմարության խորհրդի անդամ Մոհսեն Ռեզային պաշտոնապես հայտարարել է Հորմուզի նեղուցով առևտրի դադարեցման մասին, գրում է «Рыбарь» տելեգրամյան ալիքը:

Ըստ ամենայնի, առևտրային նավատորմը կարող է դուրս գալ նեղուցից, սակայն փոխադրողները չեն ցանկանում ռիսկի դիմել:

Միաժամանակ իրանցիները ծանուցում են տարածել նեղուցով ամերիկյան առևտրային և ռազմական նավերի անցման լիակատար արգելքի մասին՝ հարվածներ հասցնելու սպառնալիքի ներքո:

Ընդ որում, ալիքը նշում է մի կարևոր նրբերանգ. ԱՄՆ-ն չափազանց քիչ է ներկայացված Հորմուզով իրականացվող առևտրային նավագնացության մեջ: Պարսից ծոցում ամերիկյան խոշոր փոխադրողներ գրեթե չկան:

Սակայն կան տնտեսական ուղղակի և անուղղակի շահեր. կես ժամ առաջ Պալաուի դրոշի ներքո նավարկող նավթային տանկեր է խոցվել Օմանի Մուսանդամ էքսկլավի ափից 5 ծովային մղոն հեռավորության վրա՝ հենց Հորմուզի նեղուցի մուտքի մոտ: 20 հոգուց բաղկացած անձնակազմը տարհանվել է, նրանցից չորսը տուժել են: