Նախընտրելի
ԱՄՆ-ն քննարկում է Հարավային Կորեայից Մերձավոր Արևելք Patriot և THAAD հակաօդային պաշտպանության համակարգերի, և հնարավոր է՝ այլ միջոցների վերատեղակայումը, եթե Իրանի հետ պատերազմը ձգձգվի։
Chosun–ը հաղորդում է, որ դիտարկվող համակարգերի թվում են Patriot (PAC-3), THAAD և MQ-9 Reaper անօդաչու թռչող սարքերը։
Հիշեցնենք, որ ԱՄՆ-ն և Իսրայելը փետրվարի 28-ին ռազմական գործողություն սկսեցին Իրանի դեմ։ Հարվածները ուղղված էին Իրանի մայրաքաղաք Թեհրանին և երկրի խոշորագույն քաղաքներին։ Հարվածներից անմիջապես հետո Իսլամական հեղափոխության պահապանների կորպուսը հայտարարեց լայնածավալ պատասխան գործողության մասին։
Իրանի կողմից հրթիռների և անօդաչու թռչող սարքերի արձակման մասին հաղորդագրություններ են ստացվել Իսրայելի և Բահրեյնի, Հորդանանի, Կատարի, Քուվեյթի, ԱՄԷ-ի և Սաուդյան Արաբիայի ամերիկյան ռազմական բազաների դեմ։ Իսրայելա-ամերիկյան հարձակման ժամանակ սպանվել են նաև Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։ Մարտի 2-ին Իսրայելի դեմ պատերազմի մեջ մտավ նաև «Հեզբոլլահը»։ Իսրայելը հայտարարեց շարժման դեմ հարձակման մեկնարկի մասին։
