ԱՄՆ նախագահ Դոնալդ Թրամփի զարմուհի Մերի Թրամփը մեկնաբանել է X սոցիալական ցանցում ԱՄՆ-ի և Իսրայելի հարվածների հետևանքով իրանական Մինաբ քաղաքում դպրոցական աղջիկների մահվան դեպքը։

«Ես մարտահրավեր եմ նետում նրանց, ովքեր արդարացնում են սա», - գրել է Մերի Թրամփը՝ տեղադրելով աղջիկների տարրական դպրոցի վրա ԱՄՆ-Իսրայելի հարվածի հետևանքով 165 աշակերտների մահվան լուսանկարը։

Հիշեցնենք, որ ԱՄՆ-ն և Իսրայելը փետրվարի 28-ին ռազմական գործողություն սկսեցին Իրանի դեմ։ Հարվածները թիրախավորել էին Իրանի մայրաքաղաք Թեհրանը և երկրի խոշորագույն քաղաքները։ Հարվածներից անմիջապես հետո Իսլամական հեղափոխության պահապանների կորպուսը հայտարարեց լայնածավալ պատասխան գործողության մասին։ Ըստ տեղեկությունների՝ Իրանը հրթիռներ և անօդաչու թռչող սարքեր է արձակել Իսրայելի և Բահրեյնի, Հորդանանի, Կատարի, Քուվեյթի, ԱՄԷ-ի և Սաուդյան Արաբիայի ամերիկյան ռազմաբազաների վրա։

Իսրայելա-ամերիկյան հարձակման հետևանքով զոհվել են նաև Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։

Մարտի 2-ին «Հեզբոլլահը» նույնպես միացավ Իսրայելի դեմ պատերազմին։ Իսրայելը հայտարարեց շարժման դեմ հարձակման մեկնարկի մասին։