նախընտրելի դարձնելՎանաձոր-Ֆիոլետովո երկաթգծի կառուցման նախագիծն իրատեսական է: Այս մասին այսօր` փետրվարի 15-ին,լրագրողներին ասաց «Ռուսական երկաթուղիներ» ընկերության նախագահ Վլադիմիր Յակունինը: Նրա խոսքով` ներկայումս պատրաստվում է նախագծի նախահաշիվը` հիմնված պետություն-մասնավոր սեկտոր համագործակցության վրա:
«Նախագիծը մենք համարում ենք իրատեսական եւ սոցիալական նշանակություն ունեցող»,-հայտարարեց Յակունինը:
Հիշեցնենք, որ Վանաձոր-Ֆիոլետովո երկաթգծի երկարությունը կկազմի 31 կմ: Այս ճյուղի կառուցումը թույլ կտա միավորել Իջեւան-Հրազդան-Երեւան ուղղությունը Թբիլիսի-Այրում-Գյումրի-Մասիս ուղղությանը ու կրճատել ներհանրապետական եւ միջպետական փոխադրումների ժամկետները:
Նախագծի նախնական արժեքը, ըստ ՀՀ տրանսպորտի նախարարության, 200 մլն դոլար է: Երկաթգիծը կառուցվելու է հայկական եւ ռուսական կողմերի համատեղ ֆինանսավորմամբ:
