ՆախընտրելիՆավթային ՅՈՒԿՕՍ ընկերության նախկին թոփ մենեջեր Վլադիմիր Պերեվերզինը, որը 2007 թ-ին դատապարտվել էր տնտեսական հանցագործությունների համար, փետրվարի 15-ին ազատ է արձակվել` ժամկետը լրանալու հետ կապված:
Ինչպես տեղեկացնում է «ՌԻԱ Նովոստին», 2010թ-ին դատարանը մեղադրական հոդվածներից մեկի պատժաչափի փոփոխության հետ կապված կրճատել էր ազատազրկման ժամկետը 2,5 տարով` մինչեւ 8,5 տարի:
2011 թ. մարտին ուժի մեջ մտած նոր Քրեական օրենսգրքով եւս պատժաչափի կրճատում էր նախատեսվում: Արդյունքում` կատարված փոփոխությունների համաձայն, ազատազրկման ժամկետը կրճատվել է եւս մեկ տարի երկու ամսով:
Հաշվի առնելով, որ կալանավորման ժամկետը հաշվվում է 2004թ-ից, Պերեվերզինի պատիժը կրելու ժամկետն արդեն լրացել էր:
