ՆախընտրելիԱնվտանգության համակարգերի ներդրմամբ և տեխնիկական սպասարկմամբ զբաղվող «AMS» ընկերությունն արդեն 17 տարի է, ինչ պահպանում է առաջատար դիրքը հայաստանյան շուկայում։ Փոքր խանութներից մինչև բազմաբնակարան համալիրներ ու ձեռնարկություններ՝ ընկերությունն այս տարիների ընթացքում արդեն իրականացրել է ավելի քան 1000 հաջողված նախագիծ։ Բացի համակարգերի վաճառքից, AMS-ն իրականացնում է դրանց պրոֆեսիոնալ տեղադրումն ու կարգավորումը՝ տրամադրելով մեկ տարվա որակի երաշխիք։
Համաշխարհային բրենդների պաշտոնական ներկայացուցիչը
AMS-ն իր հաճախորդներին առաջարկում է բացառապես առաջատար ու մատչելի լուծումներ՝ հանդիսանալով այնպիսի հսկաների պաշտոնական ներկրողը, ինչպիսիք են՝ Hikvision-ը, TP-Link-ը, Rubezh-ը, Mikrotik-ը և Fortinet-ը։
- Hikvision՝ տեսահսկման համակարգերի համաշխարհային առաջատար բրենդը։
- TP-Link՝ ցանցային համակարգերի առաջատարը։
- MikroTik՝ փորձառու ցանցային լուծումների արտադրող։
- Fortinet՝ հուսալի կիբերանվտանգության լուծումների համաշխարհային բրենդ։
Համաշխարհային առաջատար բրենդների հետ համագործակցությունը AMS-ին թույլ է տալիս ստանալ լավագույն տեխնիկան անմիջապես արտադրողից և երաշխավորված որակով։
Ամբողջական էկոհամակարգ՝ 100% արդյունքի համար
Անվտանգային համապարփակ լուծումների համար անհրաժեշտ է մի ամբողջ էկոհամակարգ, որտեղ բոլոր դետալները համադրված են ճշգրիտ։ AMS-ի մոտեցումը թույլ է տալիս պատվիրատուին ազատվել տարբեր ընկերությունների հետ առանձին աշխատելու բարդությունից։
«Օրինակ՝ նորակառույց շենքի վրա աշխատելիս մի քանի տարբեր կազմակերպությունների հետ գործ ունենալն ահռելի աշխատանք է, այդ պատճառով մենք առաջարկում ենք համալիր ծառայություններ՝ տեսահսկման, հակահրդեհային, մուտքի/ելքի վերահսկման և ահազանգման, ինչպես նաև ցանցային համակարգեր»,- նշում է ընկերության նախագծերի ղեկավար Տիգրան Կոտոլիկյանը։
AI տեխնոլոգիաներ և ավտոմատացում
Ընկերության ներդրած սարքավորումները համալրված են արհեստական բանականությամբ։ Deep Learning ալգորիթմները թույլ են տալիս համակարգին ինքնուրույն տարբերակել մարդուն և մեքենան՝ ֆիլտրելով քամուց կամ կենդանիներից առաջացած սխալ ահազանգերը։ Սա հնարավորություն է տալիս լիարժեք ավտոմատացնել անվտանգությունը՝ սկսած համարանիշների ճանաչումից մինչև ուղեփակոցների խելացի կառավարում։
Մասնագիտական սպասարկում և «Տուն Էքսպո 2026»
Ընկերությունը մարտի 27-ից 29-ը մասնակցում է «Մերիդիան» էքսպո կենտրոնում ընթացող տարվա ամենախոշոր՝ «Տուն Էքսպո» ցուցահանդեսին։ Բացառապես տաղավարի այցելուներին սպասվում են հատուկ զեղչեր։
