նախընտրելի դարձնել
Ագարակում տեղի ունեցավ «Մեղրի՝ 2026 թվականի ԱՊՀ մշակույթի մայրաքաղաք» նամականիշի մարման և շրջանառության մեջ դնելու արարողությունը։
Նամականիշի վրա պատկերված է «Մեղրի՝ 2026 թվականի ԱՊՀ մշակույթի մայրաքաղաք» լոգոտիպը։ Նամականիշի անվանական արժեքը 320 դրամ է։ Ձևավորումը՝ Դավիթ Դովլաթյանի։ Նամականիշը թողարկվել է սահմանափակ քանակությամբ՝ 10 հազար օրինակով։
«ԱՊՀ մշակութային մայրաքաղաք» ծրագիրը գործում է ԱՊՀ անդամ պետությունների հումանիտար համագործակցության միջպետական հիմնադրամի հովանու ներքո 2011 թվականից: «Համագործակցության մշակութային մայրաքաղաքներ» միջպետական ծրագրի նպատակներից մեկը քաղաքների ներուժի բացահայտումն ու դրանց ժառանգության վրա ուշադրություն հրավիրելն է:
