Իրանական պատվիրակությունը երեքշաբթի կժամանի Պակիստան՝ ԱՄՆ-ի հետ բանակցությունների համար, հայտնում է CNN-ը՝ վկայակոչելով բանակցությունների ընթացքին ծանոթ իրանական աղբյուրները։

Ըստ աղբյուրների, պատվիրակության կազմը կլինի նույնը, ինչ նախորդ փուլում, որում ընդգրկված էին արտաքին գործերի նախարար Աբաս Արաղչին և խորհրդարանի խոսնակ Մոհամադ Բաղեր Ղալիբաֆը։

Թեհրանում նաև ակնկալում են, որ չորեքշաբթի հրադադարի ռեժիմի երկարաձգման մասին խորհրդանշական համատեղ հայտարարություն կարվի։

Այնուհետև, եթե ամեն ինչ հարթ ընթանա, և ԱՄՆ նախագահ Դոնալդ Թրամփը համաձայնի մեկնել Իսլամաբադ, Իրանի նախագահ Մասուդ Փեզեշքիանը նույնպես կմեկնի, և տեղի կունենա «նախագահների համատեղ հանդիպում», որի ժամանակ նրանք կստորագրեն համատեղ «Իսլամաբադյան հռչակագիրը», հավելել են աղբյուրները։

Թեհրանից պաշտոնական հաստատում այն մասին, որ իրենց բանակցողները կմեկնեն Իսլամաբադ, դեռևս չի ստացվել այն բանից հետո, երբ Թրամփը հայտարարեց պատվիրակություն ուղարկելու մասին։ Անցած հանգստյան օրերին բարձր մակարդակի բանակցությունները համաձայնության չէին հանգեցրել։