ԱՄՆ-ն Օմանի ծոցում իրանական դրոշով բեռնատար նավ է կալանել, հայտնել է նախագահ Դոնալդ Թրամփը։

Ըստ նրա, միջադեպը տեղի է ունեցել այսօր։

«Այսօր իրանական դրոշով TOUSKA բեռնատար նավը, որն ունի գրեթե 900 ֆուտ երկարություն և կշռում է գրեթե այնքան, որքան ավիակիրը, փորձել է ճեղքել մեր ծովային շրջափակումը, բայց դրանից նրանց համար ոչ մի լավ բան դուրս չեկավ։ ԱՄՆ ռազմածովային ուժերի USS SPRUANCE հրթիռային էսմինեցն Օմանի ծոցում որսացել է TOUSKA նավը և ազնվորեն զգուշացրել կանգնել։ Իրանական անձնակազմը հրաժարվել է լսել, ուստի մեր ռազմանավը կանգնեցրել է նրանց հենց տեղում՝ անցք բացելով մեքենայական բաժանմունքում։ Ներկայումս նավը գտնվում է ԱՄՆ ծովային հետևակի հսկողության տակ։ TOUSKA նավի նկատմամբ ԱՄՆ ֆինանսների նախարարությունը պատժամիջոցներ էր սահմանել նրա նախկին անօրինական գործունեության պատճառով։ Մենք լիովին վերահսկում ենք նավը և տեսնում ենք, թե ինչ կա տախտակամածին»,- գրել է ԱՄՆ նախագահը Truth Social սոցիալական ցանցում։