ՆախընտրելիԱՄՆ Կալիֆոռնիա նահանգում փետրվարի 28-ին աճուրդի կհանվի մինչեւ 1950 թ-ը հանձնված «Օսկարի» 15 օրիգինալ արձանիկներից կազմված հավաքածուն:
Ինչպես հաղորդում է ԻՏԱՌ-ՏԱՍՍ-ը, Կինոարվեստի ամերիկյան ակադեմիան արդեն դժգոհություն է հայտնել այդ առնչությամբ` նշելով, որ դրանք «պետք է վաստակել, ոչ թե ձեռք բերել»: Նշվում է, որ գործարքի արդյունքում ընդհանուր եկամուտը կարող է կազմել 2 մլն դոլար:
Նշենք, որ ԱՄՆ-ում գործող կարգի համաձայն` «Օսկարի» մրցանակակիրները պարգեւը վաճառելու մտադրության պարագայում առաջին հերթին այն պետք է առաջարկեն կինոակադեմիային: Սակայն այդ կարգը մտցվել է 1950 թ-ից հետո եւ հետադարձ ուժ չունի:
