ՆախընտրելիՈւգանդայի հյուսիս արեւմուտքում բեռնատարի ծանրության պատճառով քանդվել է կամուրջը, որի հետեւանքով 23 մարդ զոհվել է, հաղորդում է «Մոսկովսկի կոմսոմոլեց»-ը:
Ողբերգությունը տեղի է ունեցել Զեու քաղաքում` Հարավային նահանգում: Փայտե կամուրջը քանդվել է, երբ բեռնատար ավտոմեքենան անցնում էր դրա վրայով: Բեռնատարը շրջվել է եւ ընկել գետը:
Նախնական տեղեկություններով, բեռնատարի մեջ գտնվել է 34 մարդ, ովքեր վերադառնում էին առեւտրական շուկայից: Երեք մարդ անհայտ կորած է համարվում:
Ոստիկանությունում նշել են, որ վթարը տեղի է ունեցել կամրջի հնամաշության եւ բեռնատարի վարորդի սխալի պատճառով:
Վիճակարգության համաձայն, Ուգանդայում ավտոճանապարհային պատահարների հետեւանքով ամեն տարի զոհվում է 2,8 հազար մարդ:
