ՆախընտրելիCoca-Cola եւ Pepsi համաշխարհային ապրանքանիշների բաղադրատոմսերը փոփոխվել են այն լուրերից հետո, թե դրանց բաղադրիչներից մեկն առաջացնում է քաղցկեղ:
Coca-Cola, Pepsi-Cola եւ Dr Pepper ըմպելիքների կազմում առկա է ներկանյութ, որը պարունակում է 4-մեթելիմիդազոլ (4-MI), որն ըստ ամերիկյան գիտնականների պնդման` համարվում է կանցերոգեն նյութ:
Ինչպես հայտնում է CBS News-ը, ըստ Քալիֆորնիա նահանգի նոր օրենքի` բոլոր այն ապրանքները, որոնք պարունակում են ավելի քան 29 միկրոգրամ տվյալ նյութից, պետք է քաղցկեղի վտանգի մասին նշում ունենան: Coca-Cola-ի մեկ շիշը պարունակում է շուրջ 140 մկգ 4-MI: Coca-Cola եւ PepsiCo ընկերությունները նախընտրել են փոխել ըմպելիքների բաղադրատոմսը` դիմելով ներկանյութի մատակարարներին:
Տվյալ պահին նոր բաղադրատոմսով պատրաստված ըմպելիքը կարելի է ձեռք բերել միայն Քալիֆորնիա նահանգի տարածքում, սակայն հետագայում նորամուծությունը կտարածվի ամբողջ երկրով: Մինչդեռ, այլ երկրներ կմատակարարվեն ավանդական Coca-Cola եւ Pepsi-Cola:
