ՆախընտրելիԱյս տարի Կաննի կինոփառատոնը կբացվի ամերիկյան ռեժիսոր Ուես Անդերսոնի «Ծագող լուսնի թագավորությունը» (Moonrise Kingdom) նոր ֆիլմով:
Ըստ Կաննի կազմակերպիչների` Ուես Անդերսոնն ամերիկյան ամենախոստումնալից ռեժիսորներից է, որն ունի ամերիկյան կինոյի իրեն հատուկ տեսլականը, գրում է «Լեվի բերեգը»` հղում անելով փառատոնի պաշտոնական կայքին:
Ինչպես հայտնում է «Մոսկովսկի կոմսոմոլեցը», «Ծագող լուսնի թագավորությունը», որտեղ գործողությունն ընթանում է 1960-ականներին` Նոր Անգլիայում, Անդերսոնը ընդգրկել է Բրյուս Ուիլիսին, Էդվար Նորթոնին, Բիլի Մյուրեին եւ Թիլդա Սուիթիին, սակայն գլխավոր դերակատարներին` քաղաքից փախած սիրահար զույգին կմարմնավորեն նվազ հայտնի Ջարեդ Հիլմանը եւ Քարա Հեյվորդը:
Անդերսոնը հայտնի է որպես «Թենենբաումների ընտանիքը», «Ակադեմիա Ռաշմոր», «Գնացք դեպի Ջարջիլինգ» եւ անիմացիոն «Աննման միսթեր Ֆոքսը» ֆիլմերի ռեժիսոր:
Փառատոնի ֆիլմերի պաշտոնական ցուցակը (հիմնական մրցույթը, «Հատուկ հայացք» ծրագիրը եւ ոչ մրցութային ծրագիրը) կհրապարակվի ապրիլի 19-ին:
Կաննի 65-րդ կինոփառատոնը կանցկացվի 2012 թվականի ապրիլի 16-ից մինչեւ մայիսի 27-ը:
