ՆախընտրելիԱմերիկյան իշխանությունները ձերբակալել են Փորթլենդի բնակիչ 39-ամյա Քրիսթոֆեր Լի Կարլսոնին, որը կասկածվում է ԱՄՆ-ի Կոնգրեսի անդամներին թմրանյութի փոշով նամակներ ուղարկելու մեջ: Նրան մեղադրանք են ներկայացրել սպառնալիք պարունակող հաղորդագրություններ ուղարկելու եւ կենսաբանական զենք օգտագործելու սպառնալիքի համար:
Կարլսոնի ձերբակալությունը եղել է Կապիտոլիումի ոստիկանության, ԿՀՎ-ի եւ ԱՄՆ-ի փոստային ծառայության համատեղ գործողության արդյունք, հայտնում է Associated Press-ը:
Ինչպես ավելի վաղ հայտնել էր NEWS.am-ը, 2012 թվականի փետրվարի վերջին Վաշինգթոնում ամերիկյան կոնգրեսականների գրասենյակներ են սկսել ուղարկվել սպառնալիքներով եւ փոշենման նյութ պարունակող նամակներ: Փորձաքննությունից հետո պարզվել է, որ փոշին անվնաս է եղել, սակայն ոստիկանությունը նախազգուշացրել է, որ հարյուրավոր ծրարներ ուղարկողները պնդում են, որ նրանցից մի քանիսում եղել են կյանքի համար վտանգավոր պաթոգեններ: Նամակների հեղինակը նաեւ գրել էր, որ բողոքում է ԱՄՆ-ի ձեռնարկությունների ժլատության եւ տնտեսության ընդհանուր վիճակի դեմ:
