Եթովպիայում 19 մարդ զոհվել եւ 8-ը վիրավորվել  են երթուղային ավտոբուսի վրա զինված գրոհայինների հարձակման հետեւանքով:

Դեպքը տեղի է ունեցել մարտի 13-ին Գամբելի նահանգում: Սկզբում հանցագործները զենքի սպառնալիքով ուղեւորներից խլել են փողերն ու իրերը, իսկ այնուհետեւ կրակել նրանց վրա: 

Հարձակվողներին հաջողվել է փախչել դեպքի վայրից, հայտնում է Agence France-Presse-ը: Ավտոբուսի վրա հարձակման պատասխանատվությունը ոչ մի ծայրահեղական խմբավորում չի ստանձնել: