նախընտրելի դարձնելNEWS.am-ին հայտնի դարձավ, որ Սեւանի թերակղզում ` կտրող ծակող գործիքի միջոցով ձախ ձեռքի դաստակի երակների կտրվածքով ինքնասպանության փորձ կատարած Իրանի քաղաքացին իսկապես ինքնասպանության փորձը կատարել է սիրո հողի վրա: Բայց ինքնասպանության փորձին նպաստել են եւս մի քանի հանգամանքներ:
Հիշեցնենք, որ իրանցին եղբոր հետ Հայաստան էր եկել որպես տուրիստ: Ինքնասպանության փորձից 3 օր առաջ նա Երեւանում բնակարան է վարձել, որտեղ բնակվել է եղբոր հետ: Նրան ճանաչողներն ասում են, որ նա հոգեկան շեղումներ ունի:
Իրանի քաղաքացին դժգոհել է, որ Պարսկաստանում քիչ է վաստակել եւ չի կարողացել արժանավայել կյանքով ապրել, բացի այդ, Իրանում իր 23-ամյա աղջիկն էլ էպիլեպսիկ հիվանդ է: Հետեւաբար` նրա ինքնասպանության փորձին նպաստել է ե’ւ աղջկա հիվանդությունը, ե’ւ սոցիալական վիճակը, ե’ւ մերժված սերը:
Ի դեպ, այն հայ աղջիկը, ում սիրահարված է Իրանի քաղաքացին, ամուսնալուծված է, սակայն մեր ունեցած տեղեկություններով, սույն գործով շուտով նա էլ է հրավիրվելու ոստիկանություն` հարցաքննության: Հարկ է նաեւ նկատել, որ ինքնասպանության փորձ կատարած իրանցին այդ քայլից առաջ իրենց վարձած բնակարանի տնվորուհուն խնդրել է, որ եղբոր նկատմամբ ուշադիր լինի, ամեն առավոտ գնա նրան հանդիպի եւ այլն: Այսինքն` նա կանխամտածված ինքնասպանություն կատարելու նպատակով է գնացել Սեւան: Հավանաբար, նա փորձել է խեղդվել, սակայն տեղացած առատ ձյան հետեւանքով, Սեւանը սառած է եղել, ինչի արդյունքում դիմել է կտրող ծակող գործիքի օգնությանը:
NEWS.am-ը զրուցեց նաեւ Սեւանի Բժշկական կենտրոնի տնօրեն Արամ Նիկողոսյանի հետ, ով նշեց, որ իրանցու առողջական վիճակը բավարար է եւ նա մարտի 14-ին կեսօրից արդեն դուրս է գրվել:
Ավելի վաղ տեղեկացրել էինք, որ Սեւանի բժշկական կենտրոնից մարտի 13-ին, ոստիկանության Սեւանի բաժին հայտնել են, որ Սեւանի թերակղզուց իրենց մոտ է տեղափոխվել 50 ամյա մի տղամարդ` կտրող ծակող գործիքի միջոցով ձախ ձեռքի դաստակի երակների կտրվածքով:
Ոստիկանության Սեւանի բաժանմունքի պետ Վիգեն Աղեկյանը NEWS.am-ին հայտնել էր, որ պարզվել է, որ նա Իրանի քաղաքացի է: Իսկ փաստի առթիվ նյութերը գտնվում են Սեւանի քննչական բաժնում, քննություն է ընթանում: Վերջինս արձագանքելով մեր ունեցած այն տեղեկությանը, որ սպանությունը տեղի է ունեցել սիրո հողի վրա, պատասխանել էր, որ քննության ավարտից հետո նոր միայն պարզ կդառնա:
Պատրաստեց Տաթեւ Մեսրոպյանը
