Աֆղանստանում կոտորած կազմակերպած ամերիկացի զինծառայողը դուրս է հանվել այդ երկրի սահմաններից ռազմական դատարանների երաշխավորմամբ, որոնք հետաքննում են տվյալ գործը:  Այդ մասին հայտնել է Պենտագոնի ներկայացուցիչը:

Աֆղանստանի եւ ԱՄՆ-ի միջեւ պայմանավորվածություն կա, որ այդ երկրում ամերիկյան զինվորականները ԱՄՆ-ի ռազմական դատարանների իրավասության ներքո են: Սակայն տվյալ դեպքում աֆղանական խորհրդարանը եւ հանրությունը հանցագործի դեմ դատ են պահանջում Աֆղանստանում, հայտնում է rbc-ն: 

ԱՄՆ-ի պաշտպանության նախարար Լեոն Պանետան ավելի վաղ չէր բացառել, որ ամերիկյան զինծառայողը  մահապատժի կենթարկվի:

Ինչպես ավելի վաղ հայտնել էր NEWS.am-ը, Աֆղանստանում ծառայող ամերիկացի զինվորը մարտի 10-ին դուրս էր եկել երկրի հարավում գտնվող ռազմակայանի սահմաններից եւ սկսել կրակել խաղաղ բնակիչներին: Հրաձգության արդյունքում զոհվել էին 16  խաղաղ բնակիչներ, եւս հինգը` վիրավորվել: